Монохроматски, полупроѕирно, моќно! Анџелина Џоли и нејзината ќерката ги привлекле сите погледи на црвениот тепих

Актерката, режисерка и активистка, Анџелина Џоли (46) вчера прошетала по црвениот тепих во Центарот за изведувачки уметности „Волис Аненберг“ во Лос Анџелес, во друштво на нејзината ќерка Захара (16) и поетесата Аманда Горман (23).

Тие биле меѓу познатите гости на настанот наречен „Моќта на жените“, каде Анџелина одржала говор и ја доделила истоимената награда за списанието „Variety“. Како што истакнала Џоли, младата поетеса не е само најмладиот туку и најсилниот глас кој Америка моментално го има.

Актерката и нејзината ќерка Захара, која е позната вљубеничка во модата и пред две години се пробала како дизајнерка на накит, во соработка со Робер Прокоп, одлучиле да се појават на овој настан во монохроматски изданија.

Анџелина носела светло-кафен фустан, затворен, полупроѕирен модел со долги ракави. Таа избрала неколкуслоен фустан, кој е многу популарен во лето, но Анџелина се одлучила за есенска варијанта и изгледа заносно.

Со таква неутрална боја на облека, актерката носела црвен кармин и лак за нокти, додека поради должината на тоалетата не се гледале чевлите.

Од друга страна, нејзината ќерка комбинирала длабоки бели панталони со широки ногавици со бела блуза 3/4 ракави и бели патики, а носела и симпатични обетки со бели бисери и ефектен бел ремен.