Ниските температури кои полека станаа константни во нашите животи, нѐ наведуваат да направиме мини (ре)организација во нашите гардеробери и да видиме дали ги имаме сите модни парчиња кои ни се потребни за претстојниот период.

Есен, а наскоро и зима не воведоа во промена на боите во природата, но исто така и во нашите гардеробери.

Како главен сојузник во создавање беспрекорен моден стил за овој студен период, модерните јакни стануваат клучни парчиња на облека кои ја спојуваат функционалноста и естетиката.

Сезонава модните брендови воодушевија со иновациите и разновидноста кога станува збор за јакните, па така гледаме класични парчиња со модерен „twist“, но и храбри експерименти со кроеви и материјали.

Во нашето истражување на новите трендови, прегледавме некои инфлуенсерки и трендсетерки кои носат неверојатни јакни кои не само што ќе ве згреат во текот на студените денови туку и ќе го нагласат вашиот личен модел стил.

Подготвени сте да „нурнете“ во светот на есенската елеганција?

Во продолжение погледнете ги петте највпечатливи модели на јакни кои ќе го надополнат секој ваш стајлинг.

Кожна јакна

Волнена јакна со шал-крагна

„Puffer“ јакна

Јакна/блејзер од антилопа

„Shearling“ јакна